ಬಾಪಾಚೆ, ಪುತಾಚೆ ಆನಿಂ ಪವಿತ್ರ್ ಅತ್ಮ್ಯಾಚೆ ನಾವಿಂ ಆಮೆನ್ 

 

ಹಿ ಮಾಗ್ಣ್ಯಾವಿದಿ ಎಕಾ ಕಾಂತರಾ ದ್ವಾರಿಂ ಪ್ರಾರಂಭ್ ಕರ್ಯಾಂ. 

 

ಹರ್ಯೆಕ್ ಘಡಿ ಮ್ಹಜ್ಯಾ ಜಿವಿತಾಚಿ, ಸೊಮ್ಯಾ ತುಕಾ ಹಾಂವ್ ದಿನ್ವಸ್ತಾಂ 

ಭಕ್ತಿನ್ ಗಿತಾಂ ಗಾವ್ನ್ ಸಂತೊಸಾಚಿಂ ಸೊಮ್ಯಾ ತುಕಾ ಹಾಂವ್ ವರ್ಣಿತಾಂ 

 

೧. ಹರ್ಯೆಕ್ ಮ್ಹಜ್ಯಾ ಸುಖ್ ಸಂತೊಸಾನ್, ಸೊಮ್ಯಾ ತುಜೊ ಸಾಂಗಾತ್ ಸೊಧ್ತಾಂ 

ಹರ್ಯೆಕ್ ಮ್ಹಜ್ಯಾ ಕಷ್ಟಾನಿಂ ದುಖಾನ್, ಸೊಮ್ಯಾ ತುಜೊ ಆಧಾರ್ ಮಾಗ್ತಾಂ 

 

ಮುಖೆಲಿ : ಮೊಗಾಚ್ಯಾನೊ,

ಲಗ್ನಾಚ್ಯಾ ಆದ್ಲ್ಯಾ ಸಾಂಜೆರ್ ರೋಸಾಚೊ ಸಂಭ್ರಮ್ ಚಲಂವ್ಚೊ ಕೊಂಕಣಿ ಸಂಸ್ಕ್ರತೆಚಿ ವಿಶೇಷತಾ. ರೋಸಾಚಿ ಸಾಂಜ್ ಲಗ್ನಾಚ್ಯಾ ತಯಾರಾಯೆಚಿ. ಅನಿಂ ಹ್ಯಾ ತಯಾರಾಯೆಚೊ ಘುರ್ತ್ ಜಾವ್ನ್, ಹೊಕಲ್/ ನೊವ್ರೊ, ರೋಸಾನ್ ಆಪ್ಲ್ಯಾ ಕುಡಿಚಿ ಅನಿಂ ಅತ್ಮೀಕ್ ನಿತಳಾಯ್ ಜೋಡ್ನ್ ಘೆತಾತ್. ಅನಿಂ ಹ್ಯಾ ಮುಖಾಂತ್ರ್  ಆಪ್ಲ್ಯಾ ಆಂಕ್ವಾರ್ ಜಿಣ್ಯೆಕ್ ಆದೇವ್ಸ್ ಮಾಗೊನ್ ಕಾಜಾರಿ ಫುಡಾರಾ ಥಂಯ್ ಪಯ್ಲೆಂ ಮೇಟ್ ಕಾಡ್ತಾತ್. 

 

ಪ್ರಾರ್ಥನ್  : ಏ ಸರ್ವೆಸ್ಪರಾ ದೆವಾ. ಮ್ಹನ್ಶ್ಯಾಕ್ ತುವೆಂ ದಾಧ್ಲೊ ಆನಿ೦ ಸ್ತ್ರೀ ಜಾವ್ನ್ ರಚ್ಲೆಂಯ್. ತಾಂಚೆ ಮಧೆಂ ಮೊಗಾಚೆಂ ಬಿಂ ಓಂಪುನ್ ತಾಂಚೊ ಬಾಂಧ್ ಪವಿತ್ರ್ ಕೆಲೊಯ್. ಫಾಲ್ಯಾ ೦ ಲಗ್ನಾಂತ್ ಏಕ್ ಜಾಂವ್ಚ್ಯಾ (ಹೊಕಲ್ ನೊವ್ರ್ಯಾಚೆಂ ನಾಂವ್) ಚೆರ್ ತುಜಿಂ ಆಶೀರ್ವಾದಾಂ ಘಾಲ್. ತಾಣಿಂ ದೊಗಾಯ್ನಿಂ ಲಗ್ನಾ ಭೆಸಾಚಿ ಗಂಭಿರತಾ ಸಮ್ಜೊನ್ ಏಕ್ ದೆಕಿವಂತ್ ಕ್ರೀಸ್ತಾಂವ್ ಕುಟಾಮ್ ಬಾಂದುನ್ ಹಾಡುಂಕ್ ತುಜಿ ಮಜತ್ ಲಾಭಯ್ ಮ್ಹಣ್ ಮಾಗ್ತಾಂವ್ . ಅಮೆನ್ 

 

ಆತಾಂ ಆಮಿಂ  ದೆವಾಚೆಂ  ಉತಾರ್ ಆಯ್ಕೊವ್ಯಾಂ 

 

ಮಾತೆವ್  : ೨೫ : ೧-೩

 

ನಿಯಾಳ್ :

ಮಾತೆವಾಚ್ಯಾ ಸುವಾರ್ತೆ೦ತ್  ಧಾ ಧೆಡಿಯಾ೦ಚಿ ವೊಪಾರ್ ಆಸಾ. ಧಾ ಧೆಡಿಯೊ ಲಗ್ನಾಚ್ಯಾ ಫೆಸ್ತಾಕ್ ಆಯ್ಲ್ಯೊ ತರಿ ತಾಂತ್ಲ್ಯಾ ಪಾಂಚ್ ಬುದ್ವೊಂತ್ ಧೆಡಿಯಾಂಕ್ ಮಾತ್ರ್ ಲಗ್ನಾ ಸಂಭ್ರಮಾಂತ್ ವಾಂಟೊ ಘೆ೦ವ್ಚೆ ಭಾಗ್ ಫಾವೊ ಜಾಲೆಂ. ಲಗ್ನಾ ಸಂಭ್ರಮಾಕ್ ತಯಾರಾಯ್ ಗರ್ಜೆಚಿ. ಲಗ್ನ್ ಕೇವಲ್ ಏಕ್ ದಿಸಾಚೊ ಆಡಂಭರ್ ನಂಯ್ ಬಗಾರ್ ಜಿಣಿ ಭರ್ ಕಾರ್ಯಕ್ರಮ್. ದೆಕುನ್ ಆಜ್ (ಹೊಕ್ಲೆಚೆ೦ ವಾ  ನೊವ್ರ್ಯಾಚೆಂ ನಾಂವ್) ನ್ ಆಪ್ಲ್ಯಾ ಲಗ್ನಾಚಿ ತಯಾರಾಯ್ ಕರ್ತಾನಾ, ಹ್ಯಾ ಪಾಂಚ್ ಬುದ್ವೊಂತ್ ಧೆಡಿಯಾಂಚಿ ದೇಖ್ ಘೆವ್ನ್ ಮುಕಾರ್ ಚಲೊಂಕ್ ಜಾಯ್ 

 

(ಹೊಕ್ಲೆಚೆ೦ ವಾ  ನೊವ್ರ್ಯಾಚೆಂ ನಾಂವ್) ಕ್ ಆಜ್ ರೋಸ್ ಪುಸೊನ್ ನ್ಹಾಣಯ್ತಾತ್. ನಾರ್ಲಾಚೊ ರೋಸ್ ನಿತಳಾಯೆಚೊ ಸಂಕೇತ್. ಹ್ಯಾಚ್ ಪರಿ೦ ಹೊಕಾಲ್ ನೊವ್ರ್ಯಾಚೊ ಬಾಂಧ್ ನಿತಳ್ ಜಾಂವ್ ಮ್ಹಣ್ ಅಮಿ ಆಶೆವ್ಯಾಂ. ನಾರ್ಲಾಚೊ ರೋಸ್ ಕಾಡಿಜಾಯ್ ಟಾರ್, ನಾರ್ಲಾಚಿಂ ದೋನ್ ವೊಳಿ೦ ಕರಿಜಯ್ ಉಪ್ರಾಂತ್ ತೊ ಕಾಂತುನ್, ವಾಟುನ್, ಪಿಳಿಜಯ್. ಕಾಜರಿ ಜಿವಿತಿ ಅಶೆಂಚ್ . ಹೊಕ್ಲೆ ನೊವ್ರ್ಯಾನ್  ಎಕಾ ಮೆಕಾಕ್ ಸಮ್ಜೊನ್, ಸುದಾರ್ಸೊನ್ ಜಿಯೆಲ್ಯಾರ್ ಮಾತ್ರ್ ಕಾಜಾರಿ ಜಿವಿತಾಚೊ ಸಂತೊಸ್ ಬೊಗೊಂಕ್ ಮೆಳ್ತಾಲೊ. 

 

ಲಗ್ನ್ ಸಮರ್ಪಣಾಚೊ ಆನಿಂ ತ್ಯಾಗಾಚೊ ಸಂಸ್ಕಾರ್ (ಹೊಕ್ಲೆಚೆ೦ ಆನಿಂ  ನೊವ್ರ್ಯಾಚೆಂ ನಾಂವ್) ನ್ ಮೊಗಾಚೆ೦ ಆನಿಂ ಸಮರ್ಪಣಾಚೆ೦ ಕುಟಾಮ್ ಬಾಂದುನ್ ಹಾಡುಂಕ್ ಹೊ ನಾರ್ಲಾಚೊ ರೋಸ್ ತಾಂಕಾ ಪ್ರೇರಣ್ ಜಾಂವ್ ಮ್ಹಣ್ ಮಾಗ್ಯಾ೦. ಅನಿಂ ಆಮ್ಚಿಂ ಮಾಗ್ಣಿ೦ ಸೊಮ್ಯಾ ಕಡೆನ್ ಉಚಾರ್ಯಾಂ

 

ತುಮ್ಚಿ ಜವಾಬ್ : ಬಾಪಾ ಆಮ್ಚೆಂ ಪ್ರಾರ್ಥನ್ ಆಯ್ಕ್. 

 

೧. ಮೊಗಾಳಾ ಬಾಪಾ ಪವಿತ್ರ್ ಸಭೆಚ್ಯಾ ಮುಖೆಲ್ಯಾನಿ ಲಗ್ನಾಚೊ ಭೆಸ್ ಸ್ವೀಕಾರ್ ಕರ್ಚ್ಯಾ ಜೊಡ್ಯಾಕ್ ತುಜೊ ಮೋಗ್ ಶಿಕೊ೦ವ್ಕ್ ತಾಂಕಾ ತುಜ್ಯಾ ಕುರ್ಪೆನ್ ಭರ್ ಮ್ಹಣ್ ಮಾಗ್ತಾಂವ್ 

​

೨. ಮೊಗಾಳಾ ಬಾಪಾ ಹ್ಯಾ ಹೊಕ್ಲೆಕ್ ಅನಿಂ ನೊವ್ರ್ಯಾಕ್ ತುಂ ಕುರ್ಪೆನ್ ಭರ್ ಆನಿಂ ತಾಂಚಿ ಲಗ್ನಾಚಿ ಜಿಣಿ ಸುಫಳ್ ಕಾರ್ ಮ್ಹಣ್ ಮಾಗ್ತಾಂವ್. 

​

೩. ಮೊಗಾಳಾ ಬಾಪಾ (ನಾಂವ್) ಚ್ಯಾ ಕುಟ್ಮಾಚ್ಯಾ ಸಾಂದ್ಯಾಕ್ ತುಜ್ಯಾ ಧಾರಾಳ್ ಆಶಿರ್ವಾದಾನಿಂ ಭರ್ ಮ್ಹಣ್ ಮಾಗ್ತಾಂವ್ 

​

೪. ದಯಾಳಾ ಬಾಪಾ, ಹ್ಯಾ ಕುಟ್ಮಾ೦ತ್  ದೇವಾಧಿನ್ ಜಾಲ್ಲ್ಯಾ ಸರ್ವ್ ಅತ್ಮ್ಯಾ೦ಕ್  ಸಾಸ್ಣಾಚೊ ವಿಶೆವ್ ದೀ ಮ್ಹಣ್ಣ್ ಮಾಗ್ತಾಂವ್ 

​

೫. ಬಾಪಾ ಫಾಲ್ಯಾ ಅಮಿ೦ ಏಕ್ ಕುಟಾಮ್ ಜಾವ್ನ್ ಸಂಭ್ರಮ್ಚೆಂ ಲಗ್ನಾ ಕಾರ್ಯೆ೦ ತುಜೆ ದಯೆನ್ ಸುಫಳ್ ಕಾರ್ ಮ್ಹಣ್ ಅಮಿ ಮಾಗ್ತಾಂವ್ 

 

ಸರ್ಗಿಂಚ್ಯಾ ಬಾಪಾ, ಹ್ಯಾ ರೊಸಾಚ್ಯಾ ಕಾರ್ಯಾ ಮುಖಾಂತ್ರ್ ಅಮ್ಕಾಂ ಏಕ್ ಕುಟಮ್ ಜಾವ್ನ್ ಸಾಂಗಾತಾ ಹಾಡ್ಲ್ಯಾಕ್ ಅಮಿ೦ ತುಕಾ ಅರ್ಗಾಂ ಪಾಟಯ್ತಾ೦ವ್. ಅನಿಂ ಹೆಂ ಕಾರ್ಯೆ೦ ಆನಿ೦ ಹೊಕಾಲ್ ನೊವ್ರ್ಯಾಚಿ ಲಗ್ನಾ ಜಿಣಿ ನಂದನ್ ಜಾಂವ್ ಮ್ಹಣ್ ಹೆಂ ಪ್ರಾರ್ಥನ್ ಅಮಿ ಕರ್ತಾಂವ್, ಕಾನಾ ಶಹರಾಂತ್ ಲಗ್ನ್ ಪವಿತ್ರ್ ಕೆಲ್ಲ್ಯಾ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ವರ್ವಿ೦ ಅಮೆನ್. 

 

ಅಕ್ರೆಚೆಂ ಗೀತ್ 

ಸೊಮ್ಯಾಕ್ ದಿನ್ವಾಸುಯಾಂ ತೊ  ಬರೊ  (೩)

ಮೋಗ್ ಅಪರಿಮಿತ್ ತಾಚೊ ಖರೊ

 

ದಿನ್ವಾಸ್ತೊಲೊ೦ ಸೊಮ್ಯಾಕ್ ಸರ್ವಯ್ ಕಾಳಿಂ 

ವಾಖಣ್ತೊಲೊ೦ ಮಹಿಮಾ ಸಾಂಜ್ ಸಾಕಾಳಿಂ 

ರಚ್ನಾರ್ ತೊ ಸರ್ಗ್ ಅನಿಂ ಹ್ಯಾ ಸಂಸಾರಿ 

ರಾಯ್ ಆಮಾ ಸರ್ವಾಂಚೊ ಸದಾಂಕಾಳಿ 

 

 

ಸೊಮ್ಯಾಕ್ ದಿನ್ವಾಸುಯಾಂ ತೊ  ಬರೊ  (೩)

ಮೋಗ್ ಅಪರಿಮಿತ್ ತಾಚೊ ಖರೊ

 

ಮೊಗಾಳ್ ಪುತ್ರಾ ಸವೆಂ ....